• Admin

“መንገድህን ለእግዚአብሔር አደራ ስጥ…”

በአለፉት ሶስት ወራት ጌታ በኢትዮጵያ አድቬንቲስት ቤተክርስትያን ከመስከረም 2010 ጀምሮ እስከ ህዳር መጨረሻ ድረስ ያደረገዉን ድንቅ ስራ ሳበሰር ታላቅ ደስታ ይሰማኛል፡፡ በኢትዮጵያ ዉስጥ ወንጌል የአልገባባቸዉ እጅግ ብዙ ስፈራዎች አሉ፡፡ ከእነዚህም መሀል አንዱ የዳሰነች ጎሳ ሲሆን፣ ጌታ ፈቅዶ በመጋቢት ወር አዲስ ከተቓቓመዉ ፊልድ ጋር በመተባበር፤ እኛና የምስራቅ ኬንያ ዩንየን ኮንፈራንስ ጋር ሆነን ይህንን ጎሳ ለመድረስ የነበረን እቅድ በተግባር ላይ ለማዋል ቦታዉን እንዲያጠኑ ሁለት ፓስተሮችን ላክን እነሱም፤ 1. ፓስተር ነጋሽ ጴጥሮስ የፊልዱ ፕሬዝዳንት 2. ፓስተር አባይ አያናዉ የግሎባል ሚሽን ዳሬክተር፡፡


እነሱም ቦታዉ ምን እንደሚመስልና ያለዉን ሁኔታ አጥንተዉ በመምጣት በሰኔ ወር ላይ መረጃ ሰጡን እኛም ወደያዉኑ ወንጌላዊ እንዲልኩና እኛም ደግሞ ደመወዙን እንደምንችል አሳወቅናቸዉ ፡፡ እነሱም ሀሳቡን ወዲያዉኑ ተግባራዊ በማድረግ ወንግላዊ ላኩ፡ ጌታም ያንን ወንግላዊ በመጠቀም ብዙ ነፍሳትን ሰጠን ፡፡ ስለዚህ ከመስረም 11 ጀምረን እስከ መስከረም 30 ድረስ የወንጌል ጥረት ለማድረግ ጉዞ ወደ ዳሰነች ወረዳ ቀጠልን፡፡ ዳሰነች ወረዳ የሚገኘዉ በጂንካ ዞን ዉስጥ ነዉ ፡፡ ከአዲስ አበባ 977 ኪሎ ሜትር ሲሆን ከአርባምንጭ 500 ኪሎ ሜትር ከጂነካ ደግሞ 200 ኪሎሜትር ነዉ፡፡ ከዩንየን እኔና ሲስተር ገላኔ ኩመራ የጤና ክፍል ሃላፊ፤ እኔ ደግሞ የኢቫንጀሊዝም ዲፓርትሜንት ወክለን ጉዞ ወደ ወላይታ ሶዶ ቀጠልን ከዚያም ዮናታን ዮሃንስ የሚባል የጤና ባለሙያ ከዚህ በፊት እዚያ ወረዳ የሰራና የአዋሳ ታቦር ቤተክርስትን ፈቃደኛ ወንጌላዊ የሆነ፤ እንዲሁም በአዋሳ ከተማ ጤና ቢሮ የሚሰራ በጣም ጠንካራ የሆነ ወጣት ነዉ፡፡ በተጭማሪም የደቡብ መሃከለኛ ሰበካ ዋና ፀሐፊ ፓስተር ዳዊት ጉድኖ እንዲሁም እዚያ በምንቆይበት ወቅት ምግብ የምታበስልልን እህት ምትኬ ሆነን መስከረም 9 ቀን ከወላይታ ተነሳን ቀኑን ሁሉ ስንጋጓዝ ዉለን ከለሊቱ 7 ሰአት ገደማ ደሰነች ወረዳ ኦሞራቴ ከተማ ደረስን፡፡ ጉዞ ሁለ